काठमाडौं । आज पनि नयाँ कोरोना संक्रमितहरुको संख्या १ हजार भन्दा कम रहेको छ । पछिल्लो २४ घण्टामा ९ सय ११ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
पछिल्लो २४ घण्टामा ११ हजार १८ जनाको आरटी–पीसीआर र एन्टिजेन विधिबाट परीक्षण गर्दा ९ सय ११ जनामा कोरोना संक्रमण पुष्टि भएको मन्त्रालयले जनाएको छ ।
यससँगै नेपालमा कोरोना भाइरस संक्रमितको कुल संख्या ८ लाख ६३ हजार ८५७ पुगेको छ । पछिल्लो २४ घण्टामा देशभर १ हजार ४२३ जना निको भएर घर फर्किएका छन् ।
यससँगै नेपालमा कोरोना संक्रमणमुक्त हुनेहरुको संख्या ७ लाख ३९ हजार ४५७ पुगेको छ । पछिल्लो २४ घण्टामा थप १३ संक्रमितको मृत्यु भएको छ । हालसम्म नेपालमा कोरोना संक्रमणबाट मृत्यु हुनेको संख्या १० हजार ९४९ पुगेको छ ।
