काठमाडौं । नेपाल लाइफका अभिकर्ता मुक्तिनाथ काप्रीले सन् २०२५ को पहिलो दिनमै एमडिआरटी २०२६ का लागि तोकिएको व्यवसायीक लक्ष्य पुरा गर्न सफल भएका छन् ।
इन्स्योरेन्सका अनुसार काप्रीले जनवरी १ तारेख बुधबारका दिन नारायणगढ शाखाबाट नयाँ बीमालेख जारीसँगै प्रथम बीमाशुल्क आम्दानी गराएर व्यवसायीक लक्ष्य पुरा गरेका हुन् । काप्रीले कुल ५३ लाख ९६ हजार ७ सय रूपैयाँ भन्दा बढी प्रथम बीमाशुल्क आम्दानी गरेका छन् ।
एमडिआरटीको योग्यताका लागि मिलियन डलर राउण्ड टेबल(एमडिआरटी) नामक अन्तर्राष्ट्रिय संस्थाले व्यवसायीक लक्ष्य तोक्दै आएको छ। एमडिआरटीको प्रावधान अनुसार एमडिआरटी तहको व्यवसायमा एकल बीमाशुल्कवापत संकलित प्रथम बीमाशुल्क रकमको ६ प्रतिशत मात्र गणना हुन्छ। वार्षिकरूपमा नियमित किस्ता तिर्ने गरी जारी सावधिक प्रकृतिका बीमालेखवापत प्राप्त प्रथम बीमाशुल्क मात्र पुरा गणना हुन्छ।
