बुटवल, कालिकानगर, रुपन्देही स्थित केन्द्रीय कार्यालय रहेको नेपाल कम्यूनिटी डेभलपमेण्ट बैंकले थप ५ वटा नयाँ शाखा कार्यालयहरु विस्तार गर्ने भएको छ ।बैंकले नवलपरासी जिल्लाको सुनवल, भुमही र देवदह, भलुही एवम् रुपन्देही जिल्लाको सैनामैना, रामापुर, तिलोत्तमा, मधौलिया, सुख्खानगरमा नयाँ शाखाहरु खोल्न प्रक्रृया अगाडी बढाएको बैंकले जनाएको छ ।
बैकंको अधिकृत पूँजी ६० करोड र जारी तथा चुक्ता पूँजी ५२ करोड ६३ लाख रहेको छ ।यसका साथै रुपन्देही, नवलपरासी, नवलपुर र चितवन गरी चार जिल्ला कार्यक्षेत्र भएको उक्त बैंकले आफना विभिन्न शाखा कार्यालयहरुबाट निशुल्क एविविएस, एटिएम, लकर, सन्ध्याकालीन, एसएमएस, आइपिएस, सि–आश्बा लगायतका अत्याधुनिक बैकिङ्ग सेवा प्रदान गर्दै आईरहेको छ ।
बैंकको सञ्चालक समितिले गत आर्थिक बर्षको खुद मुनाफा तथा शेयर प्रिमियमवाट कायम चूक्ता पूँजीको नगद लाभांश र बोनस शेयर गरी ७ दशमलव ४२ प्रतिशत (६ दशमलव ४२ प्रतिशत नगद लाभांश र १ प्रतिशत बोनस शेयर) वितरणको लागी प्रस्ताव गरेको छ । बैंकले गत आर्थिक बर्षको तुलनामा २४ प्रतिशतले खुद मुनाफामा बृद्घि गरेको प्रमुख कार्यकारी अधिकृत राजन प्रसाद खनालले जानकारी दिए ।
