काठमाडौ । स्वास्थ्य मन्त्रालयले प्राणघातक कोरोना भाइरस नेपाल भित्रिएको पुष्टि गरेको छ । चीनमा अध्ययन गर्न गएका विद्यार्थी नेपाल फर्के लगत्तै विरामी परेपछि टेकुस्थित ट नेपाल आएका एक विद्यार्थीको स्वास्थ्य परीक्षणमा कोरोना भाइरसको संक्रमणको पुष्टि भएको स्वास्थ्य मन्त्रालयलले शुक्रबार पत्रकार सम्मेलनमा जानकारी दिएको छ । अध्ययनको लागि चीनमा रहेका एक नेपाली विद्यार्थी कोरोनाको लक्षणसहित विरामी भएपछि टेकु पुगेका थिए । त्यहाँबाट संकलन गरिएको रगतको नमुना तत्कालै हङ्गकङ्ग पुर्याएर परिक्षण गर्दा कोरोना पुष्टि भएको थियो ।
उता, स्वास्थ्य बीमा बोर्डले स्वास्थ्य बीमा गरेका सबै नेपालीहरुले कोरोना रोग लागेमा सोको उपचार खर्च बोर्डले व्यहोर्ने जनाएका छन् । कोरोना लागेको आशंका भएमा टेकुस्थित इपिडिमियोलोजी महाशाखा वा बोर्डसँग आबद्ध भएको जुनसुकै अस्पतामा गएर उपचार गर्न सकिने प्रष्ट पारेको छ । स्वास्थ्य बोर्डका कार्यकारी निर्देशक रमेश कुमार पोखरेलले इन्स्योरेन्स खवरसँग कोरोना लागेमा रिफर गर्ने अस्पताल पुग्नु नपर्ने बरु सिधैं इमरजेन्सीमार्फत अस्पताल भर्ना भएर उपचार गर्न भनेका छन् । उनले भने, ‘आपतकालिन अवस्थामा रिफर व्यवस्था लागू हुँदैन । आबद्ध भएको जुनसुकै अस्पतालमा उपचार गरी सोको बिल एक लाख रुपैयाँ उपचार खर्च पाउने क्रेडिटबाट दावी भुक्तानी हुनेछ ।’
