काठमाडौं । आज सुन चाँदी दुबैको मूल्यमा सामान्य वृद्धि भएको छ । हिजो सोमबारको तुलनामा आज मंगलबार सुन तोलामा ३ सय रुपैयाँ र चाँदी १० रुपैयाँले बढेको हो ।
आज मंगलबार नेपाली बजारमा छापावाला सुनको मूल्य प्रतितोला ९१ हजार ६ सय रुपैयाँ र तेजावी सुनको मूल्य ९१ हजार १ सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।
त्यस्तै, आज चाँदीको मूल्य प्रतितोला १० रुपैयाँले बढेर १ हजार २३० रुपैयाँमा कारोबार भइरहेको छ । हिजो सोमबार छापावाला सुन तोलाको ९१ हजार ३ सय रुपैयाँ र तेजावी सुन प्रतितोला ९० हजार ८ सय रुपैयाँमा कारोबार भएको थियो ।
